Qoʻshimcha funksionallar
-
Tungi ko‘rinish
Kim Chen Inning akasini o‘ldirishda ayblangan vetnamlik ayol ozodlikka chiqdi
Foto: TASS/imago/Xinhua
Malayziyada KXDR yetakchisi Kim Chen Inning akasi Kim Chen Namni o‘ldirishda ayblangan vetnamlik Doan Txi Xiong ozodlikka chiqdi. Bu haqda Reuters agentligi xabar berdi.
30 yoshli ayolning advokati u Malayziyaga qaytib kelishini ma'lum qildi.
Malayziya oliy sudi 1 aprel kuni Doan Txi Xiongga nisbatan qo‘yilgan qasddan qotillik qilish ayblovini sog‘liqqa o‘limga olib keluvchi shikast yetkazish aybloviga o‘zgartirdi. Natijada u uch yil to‘rt oyga ozodlikdan mahrum qilindi. Advokatning aytishicha, uning hibsda bo‘lib turgan muddati hisobga olingan. Mart oyida ushbu ishdagi yana bir gumonlanuvchi, indoneziyalik 26 yoshli Siti Aysia ozodlikka chiqarilgandi.
Kim Chen Nam 2017 yil 13 fevralda Kuala-Lumpur aeroportida kimdir uning yuziga noma'lum suyuqlik sepganidan so‘ng bosh aylanishidan shikoyat qilgan va kasalxonaga olib ketilayotganida yo‘lda vafot etgan. Malayziya hukumatining bildirishicha, o‘limga asabni falajlovchi VX moddasi sabab bo‘lgan.
Mavzuga oid
08:35 / 14.04.2025
Malayziya O‘zbekistondagi daryo va kanallarda kichik GESlar qurishi mumkin
13:31 / 10.04.2025
Malayziya O‘zbekistondan qayta ishlangan oziq-ovqat mahsulotlarini import qilishga qiziqish bildirmoqda
13:57 / 07.04.2025
Malayziya O‘zbekistonda yirik quyosh elektr stansiyalarini qurishga investitsiya kiritadi
11:29 / 05.04.2025