Pokiston Hindiston bosh vaziri parvoz qilishi uchun o‘z havo hududini ochadi

Pokiston hukumati Hindiston bosh vaziri Narendra Modi Bishkekda bo‘lib o‘tadigan ShHT sammitiga borishi uchun o‘z havo hududini ochishga qaror qildi. Bu haqda PTI agentligi xabar berdi.

ShHTning navbatdagi sammiti 13-14 iyun kunlari Qirg‘iziston poytaxtida bo‘lib o‘tadi. Xabar qilinishicha, mazkur sammit doirasida Hindiston va Pokiston yetakchilarining yuzma-yuz uchrashuv o‘tkazishlari rejalashtirilmagan.

Ayni paytda ikki davlat o‘rtasidagi munosabatlar 14 fevralda Hindistonning Jammu va Kashmir shtatida hind harbiylariga qilingan hujum sababli keskinlashgan. O‘sha kungi hujumda 45 kishi halok bo‘lgandi.