Ulug‘bek Ro‘ziqulov Indoneziya vitse-prezidenti bilan uchrashdi

6 avgust kuni O‘zbekistonning Indoneziyadagi favqulodda va muxtor elchisi Ulug‘bek Ro‘ziqulov mamlakatning saylangan vitse-prezidenti Maruf Amin bilan uchrashdi.

Uchrashuvda tomonlar O‘zbekiston-Indoneziya munosabatlarining bugungi holati va istiqbollarini muhokama qildi.

Indoneziya aholisi orasida O‘zbekistonga turistik yo‘nalish, xususan, «ziyorat turizmi» yo‘nalishini ommalashtirish maqsadida 2018 yil fevraldan O‘zbekiston Indoneziya fuqarolari uchun vizasiz rejim joriy etgani va 2019 yil maydan Toshkent va Jakarta shaharlari o‘rtasida to‘g‘ridan-to‘g‘ri aviareyslar yo‘lga qo‘yilgani qayd etildi.

Tomonlar ikki mamlakat o‘rtasida to‘liq foydalanilmayotgan ulkan iqtisodiy salohiyat mavjudligini e'tirof etdi va ushbu yo‘nalishda hamkorlikni faollashtirishga kelishib oldi.