Qashqadaryoga yetkazib berishi lozim bo‘lgan 57 mln so‘m pulni o‘z ehtiyoji uchun ishlatib yuborgan haydovchi ushlandi

2019 yil 30 avgust kuni Toshkent shahrining Chilonzor tumani IIO FMBdan hujjatlar tushgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

Ularga ko‘ra, shu yil 8 avgust kuni soat 21:30larda Olmazor tumanida yashovchi 42 yoshli A.X. TXAY ko‘chasida joylashgan “Toshkent savdo markazi” avtoturargohida Qashqadaryo viloyatida yashovchi 38 yoshli S.X.ga 57 mln. so‘m pulni Qashqadaryo viloyati G‘uzor tumaniga yetkazib berishini aytib, pulni S.X.ga berib yuborgan, lekin S.X. shu kunga qadar pullarni ko‘rsatilgan manzilga olib bormasdan, o‘z ehtiyoji uchun ishlatib yuborganligi ko‘rsatilgan.

Holat yuzasidan jinoyat ishi qo‘zg‘atilib, S.X. ushlangan. Tergov harakatlari olib borilmoqda.