O‘zbekiston va Tojikiston birgalikda harbiy mashg‘ulotlar o‘tkazadi

O‘zbekiston va Tojikiston harbiylari sentyabrning 2-o‘n kunligida Namangan viloyatidagi “G‘urumsaroy” poligonida birgalikda harbiy mashg‘ulotlar o‘tkazadilar.

“Xovar” axborot agentligiga Tojikiston mudofaa vaziri matbuot xizmati boshlig‘i Orif Nozimiyonning xabar berishicha, mashg‘ulotlar “Markaz-2019” strategik qo‘mondonlik-shtab mashg‘ulotlari doirasida bo‘lib o‘tadi. Ikki davlat harbiylari mintaqada xavfsizlikni ta'minlash bo‘yicha vazifalarini bajarishadi.    

Mashg‘ulotlar davomida qo‘shinlarning xalqaro terrorchilikka qarshi kurashdagi o‘zaro harakatlanishi hamda razvedka-qidiruv va mudofaa harakatlarini olib borish malakalari mashq qilinadi.

Avgustda ikki davlat harbiylari tog‘li hudud sharoitida aksilterrrorchilik mashg‘ulotlari o‘tkazishgandi. Mashg‘ulotlar Tojikiston va Farg‘ona vodiysi hududlarida bo‘lib o‘tgan.