Rossiyaning yangi avloddagi MS-21 yo‘lovchi samolyoti birinchi xalqaro parvozini amalga oshirdi
Rossiyaning yangi avloddagi MS-21-300 yo‘lovchi samolyoti birinchi xalqaro parvozini muvaffaqiyatli amalga oshirdi.
Ta'kidlanishicha, layner o‘z tarixidagi ilk xalqaro ko‘rgazma – Istanbulda 17-22 sentabr kunlari o‘tadigan aviatsiya, koinot va texnologiya festivali “Teknofest 2019”ga keldi.
Samolyot Moskva oblastidagi Jukovskiy aerodromidan havoga ko‘tarilib, 2,5 ming km masofani 3,5 soatda uchib o‘tgan.
Ta'kidlanishicha, samolyot parvozda o‘zini yaxshi ko‘rsatgan, barcha tizimlari soz ishlagan.
Samolyotni yaratgan “Irkut” korxonasi bosh direktori Ravil Xakimov ko‘rgazma davomida samolyot taqdimoti o‘tkazilishi rejalashtirilayotganini ma'lum qilgan.
MS-21-300 yangi avloddagi yaqin va o‘rta magistral yo‘lovchi samolyoti bo‘lib, o‘z bortiga 150 dan 211 nafargacha yo‘lovchini olishi mumkin. Ilk parvozi 2017 yil mayida o‘tgan. Samolyotni sertifikatlashtirishni 2020 yilda yakunlash rejalashtirilgan, seriyali ishlab chiqarilishi esa 2021 yildan boshlanishi kutilmoqda.
Mavzuga oid
17:47
Ukrainadagi urushning hozirgi pallasi: ekspertlar sharhi
15:30
Moskva Rossiya bozorini tark etgan xorijliklar uchun to‘lovni oshirmoqchi
14:30
The Guardian: Rossiya armiyasi Ukrainaning Kursk oblastidagi rejalari haqida oldindan bilgan
14:10