Tramp Turkiyaga qarshi «qudratli sanksiyalar» qo‘llashga tayyorlanmoqda
AQSh prezidenti Donald Tramp Suriya shimoli-sharqida «Tinchlik bulog‘i» deb nomlangan harbiy amaliyot o‘tkazayotgan Turkiyaga qarshi yirik sanksiyalar qo‘llashga tayyorlanayotganini ma'lum qildi.
«Men senator Lindsi Grem va kongressning boshqa ko‘plab a'zolari bilan, jumladan demokratlar bilan Turkiyaga qarshi kuchli sanksiyalar qo‘llash ustida ish olib boryapman. Moliya vazirligi ish boshlashga tayyor, qo‘shimcha qonun talab qilinishi mumkin. Bizda bu borada kelishuv bor. Turkiya bunday qilmaslikni so‘ragan. Kuting!», deya yozgan Tramp tvitterida.
9 sentabr kuni Turkiya Suriya shimolidagi kurdlarni janubga surib tashlash uchun «Tinchlik bulog‘i» nomini olgan harbiy amaliyot boshlagandi.
Bundan avvalroq Pentagon rahbari Mark Esper Turkiya Milliy mudofaa vaziri Xulusi Akar bilan telefon orqali muloqot chog‘ida mazkur amaliyotni to‘xtatishni so‘ragandi.
Turkiya prezidenti Rajab Toyyib Erdo‘g‘an esa jahonning ko‘plab davlatlari talab qilayotganiga qaramay ushbu amaliyot to‘xtatilmasligini ma'lum qilgan.
Mavzuga oid
12:30 / 20.09.2024
AQSh Rossiya va KXDRning beshta yuridik va jismoniy shaxsiga qarshi sanksiyalar kiritdi
16:05 / 14.09.2024
YeI Rossiyaga raketa yetkazib bergani uchun Eronga qarshi sanksiyalar joriy qiladi
11:50 / 11.09.2024
AQSh va Britaniya Rossiya kemalariga qarshi sanksiyalar kiritdi
08:00 / 11.09.2024