Italiya Turkiyaga qurol yetkazib berish bo‘yicha amaldagi shartnomalarni qayta ko‘rib chiqadi

Italiya Turkiyaga qurol yetkazib berish bo‘yicha amaldagi shartnomalarni tekshiruvdan o‘tkazadi. Bu haqda Italiya tashqi ishlar vaziri Luiji Di Mayo ma'lum qildi.

Uning so‘zlariga ko‘ra, Italiya Anqaraga qurol yetkazib berish bo‘yicha mavjud shartnomalarni to‘xtatishga tayyor.

Di Mayoning ta'kidlashicha, Italiya Turkiyaning bir tomonlama va "oqlab bo‘lmas" harakatlarini qoralaydi.

"Men amaldagi shartnomalarni tekshiruvdan o‘tkazish to‘g‘risida farmoyish berdim", - dedi u.

Eslatib o‘tamiz, 9 oktabr kuni Turkiya qurolli kuchlari kurd qurolli tuzilmalarini siqib chiqarish uchun Suriya shimoli-sharqida "Tinchlik bulog‘i" operatsiyasini boshladi.