AQShning strategik bombardimonchi samolyotlari Saudiya Arabistoniga yetib keldi
AQSh harbiy-havo kuchlarining strategik bombardimonchi samolyotlari B-1B Lancer Saudiya Arabistonidagi Shahzoda Sulton nomidagi aviabazaga yetib keldi. Bu haqda AQSh qurolli kuchlari markaziy qo‘mondonligi (SeNTKOM) matbuot xizmati ma'lum qildi.
Samolyotlar AQShdagi Ellsworth bazasidan havoga ko‘tarilgan.
“B-1B Lancer uzoq masofalarga mo‘ljallangan strategik bombardimonchi bo‘lib, yer sharining istalgan joyidagi raqibni yo‘q qilishi mumkin. Bu shahzoda Sulton aviabazasining jangovar amaliyotlar olib bora olishini namoyish qiladi”, deyilgan xabarda.
AQSh mudofaa vazirligi 11 oktyabrda Vashington Saudiya Arabistoniga qo‘shimcha 3 ming askar, ikkita Patriot zenit-raketa majsuasi batareyasini, THAAD raketalarga qarshi majmuasini tashlashini e'lon qilgandi. AQSh prezidenti Donald Tramp ma'muriyati bu qarorni 14 sentyabrda Saudiya Arabistonidagi ikkita neft korxonasiga dronlar yordamida zarbalar berilgandan keyin qabul qilgan. Ushbu hujum uchun javobgarlikni yamanlik husiylar o‘z zimmasiga olgan.
Biroq Britaniya, Germaniya, Saudiya Arabistoni, AQSh va Fransiya hujum ortida Eron turganini ta'kidlagan. Tehronda bu ayblovlar asossiz ekanligi aytilgan.
Mavzuga oid
23:25 / 20.09.2024
AQSh prezidentligiga nomzodlar xavfsizligi kuchaytirilishi mumkin
18:08 / 20.09.2024
Amerikada erkak 18 yil birovning “svet”iga pul to‘lab kelgani aniqlandi
12:30 / 20.09.2024
AQSh Rossiya va KXDRning beshta yuridik va jismoniy shaxsiga qarshi sanksiyalar kiritdi
10:28 / 20.09.2024