O‘zbekiston-Xitoy sholichilikni rivojlantirish markazi tashkil etiladi

Qishloq xo‘jaligi vazirligida Zhongnongfa Seed Industry Group.Ltd kompaniyasi menejyeri Chen Jangjuy bilan uchrashuv tashkil etildi.

Tashrif doirasida xitoylik mutaxassislar Qoraqalpog‘iston, Xorazm va Buxoro viloyatlarida bo‘lib, mahalliy hokimiyat vakillari va soha mutasaddilari bilan uchrashuvlar o‘tkazdi, ushbu hududlardagi qurg‘oqchil va sho‘rlangan yerlarning holatini o‘rgandi.

Uchrashuvda qishloq xo‘jaligi sohasida o‘zaro hamkorlikning istiqbolli yo‘nalishlari, jumladan, sholichilik bo‘yicha qator investitsiya loyihalarini amalga oshirish, tuproq sharoitini o‘rganish, sug‘orishning yangi texnologiyalari va boshqalar muhokama etildi. Xususan, delegatsiya rahbari Chen Jangjuy zamonaviy texnologiyalardan foydalangan holda ekinlar hosildorligini yaxshilash bo‘yicha (sholi, paxta, chorvachilik uchun ozuqa) hamkorlik qilishga tayyor ekanini bildirdi. Chen Jangjuy O‘zbekiston-Xitoy sholichilikni rivojlantirish markazi tashkil etilishining manfaatli tomonlari, shuningdek mamlakatimizning ayrim hududlaridagi qurg‘oqchil va sho‘rlangan yerlarni yaxshilash borasidagi qo‘shma loyihalar haqida to‘xtalib o‘tdi.

O‘zbekiston tomoni Zhongnongfa Seed Industry Group.Ltd kompaniyasi ishtirokida respublikada yangi texnologiyalarni qo‘llagan holda qishloq xo‘jaligini o‘rganish va yaxshilash borasida markaz tashkil etilishidan manfaatdor ekanini bildirdi.