Ispaniya Devis kubogining 6 karra g‘olibiga aylandi
Tennis bo‘yicha Ispaniya erkaklar terma jamoasi Devis kubogi finalida Kanadani mag‘lub etib, 6-marta kubokni qo‘lga kiritdi. Final uchrashuvlari Madridda bo‘lib o‘tgan.
Finalning birinchi uchrashuvida ispaniyalik Roberto Bautista-Agut kanadalik Feliks Ojye-Alyassimni mag‘lub etdi. 2-uchrashuvda Rafael Nadal Denis Shapovalovni dog‘da qoldirib, Ispaniya terma jamoasiga muddatdan avval g‘alaba keltirgan.
Musobaqa qoidalariga ko‘ra, hisob 2:0 bo‘lganda juftliklar o‘rtasidagi uchrashuv o‘tkazilmaydi.
Kanada musobaqa finalida birinchi marta ishtirok etdi. Ispaniya esa kubok sohibi unvonini olishga 6-marta (2000, 2004, 2008, 2009, 2011, 2019 yillar) muvaffaq bo‘ldi.
Musobaqa mukofot jamg‘armasi 20 mln dollarni tashkil qilgan. U 1900 yildan beri har yil o‘tkazib kelinadi. G‘alabalar soni bo‘yicha rekordchi AQSh hisoblanadi (32 marta).
Mavzuga oid
16:39 / 10.09.2024
Issiq havo tug‘ilish darajasini pasaytiradi - tadqiqot
08:36 / 10.09.2024
Ispaniya bosh vaziri Xitoy va YeI o‘rtasidagi savdo mojarosini bartaraf etishga urinib ko‘rdi
23:59 / 02.09.2024
Sevilyada noroziliklar: G‘arbiy Nil virusi besh kishining o‘limiga sababchi bo‘ldi
17:50 / 24.08.2024