Eronda Markaziy razvedka boshqarmasi bilan bog‘langan 8 kishi qo‘lga olindi

Foto: Reuters

Eronda ommaviy noroziliklar bilan bog‘liq holda AQSh Markaziy razvedka boshqarmasiga ishlovchi 8 kishi qo‘lga olindi. Bu haqda Eron axborot (razvedka) vazirligida ma'lum qilindi.

“Namoyishlarda ishtirok etgan va razvedka idoralari buyruqlarini bajargan 6 kishi va xorijga jo‘natish maqsadida axborot to‘plagan 2 kishi ushlandi”, deyilgan xabarda.

Eronda benzin narxi oshirilgach ommaviy noroziliklar boshlanib, ular tartibsizliklarga aylanib ketgandi. AQSh davlat departamenti rasmiy vakili Morgan Ortegus Vashington namoyishchilarni qo‘llab-quvvatlashini ma'lum qilgan.