Texnik nosozlik tufayli 7ta viloyat elektr ta'minotida uzilish ro‘y berdi
Joriy yilning 6 dekabr kuni soat 20:32da «Tolimarjon issiqlik elektr stansiyasi»da 800 mVtli 1-energoblok texnologik himoya ishlashi sababli nosozlik holati bilan o‘chgan. Bu haqda Kun.uz’ga «O‘zbekiston milliy elektr tarmoqlari» aksiyadorlik jamiyati axborot xizmati xabar berdi.
Nosozlik natijasida Qashqadaryo, Buxoro, Navoiy, Surxondaryo, Farg‘ona, Andijon va Namangan viloyatlaridagi aholi avariyaga qarshi avtomatika tizimi orqali vaqtincha tarmoqdan uzilgan. Elektr ta'minotidan uzilgan iste'molchilarga darhol energetika tizimidagi mavjud zaxira quvvatlarini ishga solish evaziga kuchlanish berish choralari ko‘rilgan.
“Milliy dispetcherlik markaziga ma'lum qilingan ma'lumotlarga ko‘ra, «Tolimarjon IES» 1-energoblogi 6 dekabrdan 7 dekabrga o‘tar kechasi, ya'ni bugun soat 01:51 da ishga tushirilgan hamda elektr energiya umumtizimiga ulangan”, deyiladi rasmiy xabarda.
Mavzuga oid
17:31 / 28.08.2024
Elektr energiyasi va tabiiy gaz uchun majburiy to‘lovlarni undirish tartibiga o‘zgartirishlar kiritildi
21:08 / 22.08.2024
Gaz qazib olish qisqaryapti, elektr energiyasi ishlab chiqarish ham kamaygan
15:24 / 19.08.2024
“Sud o‘tguncha, g‘o‘za qurib qoladi” - Xorazmda fermer va HETK o‘rtasidagi nizo hosilga tahdid solmoqda
22:27 / 18.08.2024