Erdo‘g‘an Suriyadan qo‘shinlarning olib chiqib ketilishi shartini aytdi

Turkiya prezidenti Rajab Toyyib Erdo‘g‘an Suriyada xalqaro huquqdan kelib chiquvchi vakolatlarini oxirigacha qo‘llamoqchiligini aytdi.

U Suriyadan qo‘shinlarning olib chiqilishi masalasiga to‘xtalib, bu borada Suriya xalqi fikriga quloq tutishga va'da berdi.

Turkiya yetakchisining aytishicha, aynan suriyaliklar turk harbiylarining Suriyada qolish-qolmasliklarini hal qilishlari kerak.

“Suriya halqi “Rahmat, endi ketishingiz mumkin” demaguncha biz u yerdan ketmaymiz”, deb aytgan Erdo‘g‘an. 

Eslatib o‘tamiz, Turkiya Suriya shimolida kurd tuzilmalariga qarshi boshlagan “Tinchlik bulog‘i” amaliyotini AQSh bilan kelishuvga ko‘ra to‘xtatishga rozi bo‘lgandi.