Vakolati tugayotgan Senat chaqirig‘ining so‘nggi yalpi majlisi qanday o‘tdi? (fotogalereya)

14 dekabr kuni Oliy Majlis yuqori palatasi ─ Senatning 2019 yil uchun so‘nggi 25-yalpi majlisi bo‘lib o‘tdi. Bu yalpi majlis joriy chaqiriqdagi senatorlarning o‘z vakolatida ishtirok etayotgan oxirgi yalpi tadbiri hisoblanadi.

Yalpi majlisni Senat raisi Tanzila Norboyeva kirish nutqi bilan ochib berdi. Tanzila Norboyeva qonunlar ijrosini ta'minlashda parlament so‘rovlari katta samara berayotganini ta'kidladi. Shuningdek, ayrim senatorlarni tanqid ostiga olib, ular o‘z hududidagi muammolarni ko‘tarib chiqishda sustkashlikka yo‘l qo‘yishganini qayd etdi.

Yalpi majlis kun tartibiga 17ta masala kiritilgan bo‘lib, shulardan 11tasi qonun muhokamasidir.

Kun.uz fotomuxbiri Muhammadjon G‘aniyev O‘zbekiston qonun chiqaruvchi hokimiyatining eng oliy organida o‘tgan yalpi yig‘ilishdan fotolavhalarni taqdim etadi.