Rossiyada qayta ishlanmagan chiqindini yoqish taqiqlandi 

Rossiya prezidenti Vladimir Putin atrof-muhitga salbiy ta'sir uchun to‘lov haqidagi qonunni imzoladi. Qonunda qayta ishlanmagan chiqindilarni yoqish taqiqlanadi.

Endilikda chiqindilar avval qayta ishlanib, undan foydali materiallar olingach, so‘ngra yoqish uchun jo‘natiladi.

Shuningdek, qonun bilan korxonalardan atrof-muhitga salbiy ta'sir uchun ekologik yig‘im olinishi va bu mablag‘larning sarflanishi tartibi o‘zgartirilgan. Shuningdek, barcha obektlar majburiy tarzda ekologik xavfsizlikka tekshiruvdan o‘tkazilishi belgilab qo‘yilgan. 

Yangi qonun 1 yanvardan kuchga kiradi.