Iroqdagi amerikaliklar joylashgan aviabaza raketa hujumiga uchradi - OAV

Iroqdagi "Balad" aviabazasi raketa hujumiga uchradi, deb xabar bermoqda arab OAV va Iroqdagi vaziyatni kuzatayotgan ijtimoiy tarmoqlar foydalanuvchilari.

Ma'lumotlarga ko‘ra, noma'lum kishilar tomonidan Iroq poytaxtidan 70 km masofada joylashgan aviabazaga uchta raketa otishgan. Bu yerda xususan, AQSh boshchiligidagi terrorizmga qarshi kurashish bo‘yicha koalitsiya harbiylari joylashgan.

#Breaking
Photos shows the aftermath of rocket attack targeted #Baghdad’s green zone and #US embassy in #Iraq. pic.twitter.com/ic2I1dqPmC
— Blesa Shaways (@Bilesa_Shaweys) January 4, 2020

Raketa hujumi to‘g‘risida rasmiy ma'lumot berilmadi.

Avvalroq Bag‘doddagi AQSh elchixonasi joylashgan hududda raketa portlagani xabar qilingandi.

2 yanvardan 3 yanvarga o‘tar kechasi Bag‘dodda AQSh aviazarbasi natijasida Eronning "Quds" maxsus bo‘linmasi qo‘mondoni general Qosim Sulaymoniyning o‘limidan so‘ng Iroqda vaziyat keskinlashdi.

Tayyorlagan Дилшод Аскаров

#Iroq #raketa

Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.