Uxanda yashovchi 12 million aholining barchasi koronavirusga tekshiriladi

Uxan shahridagi shifokorlar 6 fevraldan shaharning barcha aholisini koronavirus simptomlarini aniqlash bo‘yicha tizimli ravishda tekshiruvdan o‘tkazishni boshlaydi. Bu haqda Global Times gazetasi xabar bermoqda.

Tekshiruvlar shahardagi barcha uylarda o‘tkaziladi. Nashrning eslatishicha, shahar ikki haftadan ortiqroq vaqtdan buyon tashqi olamdan ajratib qo‘yilgan.

Uxanning aholisi 12 million kishini tashkil etadi. 

Oxirgi ma'lumotlarga ko‘ra, Xitoyda yangi turdagi koronavirus yuqtirganlar soni 28 ming 18 kishiga yetgan, 563 kishi vafot etgan.

Dunyoning boshqa mamlakatlarida koronavirus yuqtirish bilan bog‘liq 260 ta holat qayd etilgan.