Turkiya qo‘shinlari Suriya armiyasiga yana zarba berdi

Turkiya kuchlari turk harbiylarining Idlib viloyatida o‘qqa tutilishiga javoban Suriya armiyasiga yana zarba berdi. Anadolu axborot agentligining ma'lum qilishicha, zarba vaqtida 51 suriyalik harbiy yo‘q qilingan. 

Bundan tashqari, Bashar Asad qo‘shinlariga tegishli ikkita tank, bitta zenit qurilmasi, o‘q-dori ombori yo‘q qilingan, bitta tank qo‘lga kiritilgan.

Avvalroq Turkiya prezidenti Rajab Toyyib Erdo‘g‘an Suriya hukumati turk kuchlariga qarshi harakatlari uchun “juda katta haq to‘lashi”dan ogohlantirgan. 

10 fevralda Suriyaning Idlib viloyatida turk qo‘shinlarining kuzatuv punkti artilleriya qurilmalaridan o‘qqa tutilishi vaqtida 5 nafar turk harbiysi halok bo‘lgan. Punkt Suriya armiyasi tomonidan o‘qqa tutilgan. Turkiya bunga javoban Suriya armiyasining 115 ta nishoniga zarba bergan. Buning oqibatida 101 nafar suriyalik harbiy halok bo‘lgan, 3 tank va 2 ta minomyot pozitsiyasi yo‘q qilingan, bitta vertolyot urib tushirilgan. 

3 fevralda ham 7 nafar turk harbiysi va bir nafar fuqaro o‘qqa tutish vaqtida halok bo‘lgan.