Rossiyaning eng badavlat 5 odami bir kun ichida 6 mlrd dollar yo‘qotdi

Rossiyaning eng badavlat 5 odamining umumiy boyligi bir kun ichida 6,1 mlrd dollarga kamaydi. Ulardan eng ko‘p yo‘qotishlarga “LUKOYL” prezidenti Vagit Alekperov va “Nornikel” egasi Vladimir Potanin uchragan.

Leonid Mixelson va Vagit Alekperov Foto: Andrey Yepixin / TASS Podrobneye n

Ma'lum qilinishicha, Vladimir Potanin 1,4 mlrd dollar yo‘qotgan, ayni vaqtda uning aktivlari 26 mlrd dollarni tashkil qilmoqda. Bunga unga tegishli kompaniya aksiyalarining 6 foizga arzonlashib ketgani sabab bo‘lgan.

Vagit Alekperov esa yanada ko‘proq yo‘qotgan: 1,6 mlrd dollar. Uning boyligi 23,2 mlrd dollargacha kamaygan.

Rossiyaning uchinchi raqamli boy kishisi, NOVATEK kompaniyasi boshqaruv raisi Leonid Mixelson 1,2 mlrd dollar yo‘qotgan. Kompaniya aksiyalari 9,8 foizga arzonlashib ketgan. Buning oqibatida Mixelsonning aktivlari qiymati 22,5 mlrd dollargacha qisqargan.

Novolipetsk metallurgiya kombinati egasi Vladimir Lisin 910 mln dollar yo‘qotgan. Uning umumiy boyligi endi 21,3 mlrd dollarga baholanmoqda.

“Severstal” egasi Aleksey Mordashov aktivlari 948 mln dollarga kamayib, 19,9 mlrd dollarni tashkil qilmoqda. Uning kompaniyasi aksiyalari 9,7 foizga arzonlashib ketgan.

Milliarderlar ularga tegishli kompaniyalar aksiyalari arzonlashishi oqibatida pul yo‘qotmoqdalar. Xususan, “Nornikel” aksiyalari deyarli 5 foizga, “LUKOYL”niki 5 foizga, NOVATEKniki 3 foizga qadrsizlangan. Aksiyalar narxi pasayishi sarmoyachilarning koronavirus epidemiyasidan xavotirlanayotganlari ortida yuz bermoqda.