Uzbekistan Airways’ning 49 foizi va Ucell’ning 85 foizi sotuvga qo‘yilishi mumkin

Foto: Uzbekistan Airways/Ucell

Prezidentning “Iqtisodiyotda davlat ulushini qisqartirishga doir qo‘shimcha chora-tadbirlar to‘g‘risida”gi qarori loyihasi muhokama uchun joylashtirildi.

Hujjat bilan davlat aksiya paketlari (ulushlari) xususiy sektorga to‘liq sotiladigan va davlat aksiya paketi (ulushi) to‘liq yoki qisman saqlanadigan davlat ishtirokidagi korxonalar ro‘yxati e’lon qilindi.

Qayd etilishicha, "O‘zbektelekom" AJning 18,8 foizlik davlat ulushini sotish mo‘ljallanmoqda. Saqlanadigan davlat ulushi - 76,0 foiz.

Bundan tashqari, "O‘zbekiston pochtasi" AJning 25,4 foizlik, "Koskom" MChJ (Ucell)ning 85,0 foizlik, "Uzbekistan Airways" AJning 49,0 foizlik davlat ulushini sotish rejalashtirilgan.

Shuningdek, davlat "O‘zbekiston temir yo‘llari" AJ, "Uzbekistan Airports" AJ, "Toshshahartransxizmat" AJ, "Xalq banki" ATB va boshqa kompaniyalardagi ulushni to‘liq o‘z qo‘lida saqlab qolmoqchi.

1115ta korxonada davlat ulushi xususiy sektorga to‘liq sotiladi - Prezident qarori loyihasi