«Menga tegishli emas» demang. Hozir ko‘chaga kamroq chiqish nima uchun muhim?

«Olti qo‘l berib so‘rashish» nazariyasi bor. Ya'ni dunyodagi har qanday inson bilan mana shuncha masofada yaqin ekanmiz. Tanishlarni bog‘lab-bog‘lab, har qanday insonga shu tariqa yetisha olamiz. Masalan, siz Ravshan Ermatov bilan qayerdadir qo‘l berib ko‘rishgansiz. U esa, Messi bilan. Demak, siz Messiga atigi ikki qadam, «ikki so‘rashish» masofadasiz, xolos. Umuman, biz odamlar bilan o‘ylaganimizdan ko‘ra yaqin masofadamiz.