Karantin davrida yosh bolali xodimning mehnat ta'tili tugasa, qanday yo‘l tutiladi?

«Bandlik va mehnat munosabatlari vazirining 2020 yil 25 mart kungi buyrug‘iga asosan, agar xodimning mehnat ta'tili tugash kuni ishga chiqish imkoniyati mavjud bo‘lmasa, ish beruvchi nomiga quyidagi mazmundagi arizani yuboradi:

– muddati va boshlanish sanasi ko‘rsatilgan ish haqi saqlanmagan holda beriladigan ta'til olish bo‘yicha;

– masofaviy ish usuli, moslashuvchan ish grafigi yoki uyda ishlashga vaqtincha o‘tkazish bo‘yicha.

Ish beruvchi xodimga arizasida ko‘rsatilgan sanadan boshlab to‘liq muddatga ish haqi saqlanmagan holda beriladigan ta'til berishga majbur», – dedi O‘rinboyeva 30 mart kungi brifingda.