Qoʻshimcha funksionallar
-
Tungi ko‘rinish
Xorazm viloyatida karantinga olinganlarga 16 apreldan boshlab javob berilishi mumkin
Bosh sanitariya inspektori Nurmat Otabekov navbatdagi brifingda ijtimoiy tarmoqda Yuqori Chirchiq tumanidagi maxsus shifoxonada sharoitlar talab darajasida emasligi borasida tarqalgan fikrlar yuzasidan munosabat bildirdi.
«Albatta, bunday qisqa muddatda juda katta ish qilindi. Hozir hammani o‘sha shifoxonaga, imkon qadar qulay sharoitda joylashtirish uchun barcha ishlar qilinyapti.
Shahar hokimi har kuni o‘sha joyga borib qayerda qanday kamchilik bo‘ladigan bo‘lsa ularni bartaraf qilish uchun harakat qilyapti.
Bu o‘tkinchi muddat. Juda ko‘p narsa talab qilishimiz ham mantiqan to‘g‘ri emas», dedi Nurmat Otabekov.
Shuningdek, 22 mart kuni Rossiya Federatsiyasidan Xorazm viloyatiga olib kelingan fuqarolarning karantin muddati hamon tugamagani to‘g‘risidagi savolga javob berilgan.
«Hozir Xorazm viloyatida 492 kishi karantinda turibdi. Ularning karantin muddati 16 apreldan 21 aprelgacha deb belgilangan.
Demak, fuqaroning qaysi shifoxonada alohidalanganligi va u yerdan kasal chiqqan-chiqmaganiga qarab chora ko‘riladi.
Agar karantindan keyingi qayta tekshiruv davomida fuqarolarda kasallik aniqlanmasa ularga javob beriladi», deya Bosh sanitariya inspektorining so‘zlarini keltirmoqda Kun.uz muxbiri.
Koronavirus O‘zbekistonda
Mavzuga oid
12:33 / 02.05.2025
«Bunda xorijiy turist u yoqda tursin, mahalliy sayyoh ham boshqa davlatga borishni afzal ko‘radi» - prezident chiptalar narxi haqida
15:41 / 01.05.2025
Prezident Al-Xorazmiy shaharchasining qurilishini ko‘zdan kechirdi
20:24 / 02.04.2025
Xorazmda pulini ko‘paytirib berishni aytib, mingdan ortiq odamni chuv tushirgan shaxs ushlandi
16:38 / 18.03.2025