Rossiyada koronavirusga qarshi dorini sinovdan o‘tkazish qachondan boshlanishi ma'lum qilindi

Rossiyada ishlab chiqilgan koronavirusga qarshi dorini klinik sinovdan o‘tkazish 10-12 kundan so‘ng boshlanadi. Bu haqda mamlakat sog‘liqni saqlash vaziri Mixail Murashko ma'lum qildi.

Foto: Grigoriy Sysoyev / RIA Novosti

"Rossiya kompaniyasi ishlab chiqqan dori vositasi qator davlatlardagi hamkasblarimiz tomonidan sinovdan o‘tkazildi. Qisqa vaqt ichida klinikaoldi tadqiqotlari baholanadi", dedi u.

Dorining klinik tadqiqotlari 10-12 kundan so‘ng boshlanadi, deya qo‘shimcha qildi vazir.

Ma'lumotlarga ko‘ra, Rossiyada koronavirusga chalinganlar soni 18 mingdan oshgan, 148 kishi vafot etgan. Ko‘plab regionlarda o‘zini o‘zi izolyatsiya qilish rejimi joriy etilgan.