Fuqaroni 56 ming dollarlik telefon apparatlariga «uxlatgan» shaxsga nisbatan jinoyat ishi qo‘zg‘atildi

Joriy yilning fevral oyida Namanganda 39 yoshli U.M. yakka tadbirkor 39 yoshli D.S.ga o‘zini uyali aloqa vositalari savdosi bilan shug‘ullanuvchi savdogar sifatida tanishtirgan.

O‘zbekiston Respublikasi IIV huzuridagi Tergov departamenti xabariga ko‘ra, bu shaxs undan umumiy narxi 56 500 AQSh dollarlik har xil turdagi uyali aloqa vositalarini pulini bir hafta ichida olib sharti bilan olib ketib, uyali aloqa vositalarini boshqalarga sotib yuborib, pullarni D.S.ga bermasdan o‘zining manfaatlari yo‘lida ishlatib yuborgan.

Holat yuzasidan Namangan shahri bo‘yicha IIO FMB 3-sonli IIB huzuridagi Tergov bo‘linmasi tomonidan O‘zbekiston Respublikasi Jinoyat kodeksining 168-moddasi 4-qismi “a” bandi (firibgarlik) bilan jinoyat ishi qo‘zg‘atilgan. 

Hozirda dastlabki tergov harakatlari davom etmoqda.