Xitoy AQSh shtatining koronavirus bo‘yicha da'vosini sudni mazax qilish deb atadi

XXR tashqi ishlar vazirligi vakili Gen Shuan Xitoy rahbariyatining harakatlari Amerika sudlari yurisdiksiyasi ostida emasligini eslatib o‘tdi.

Foto: Reuters

Missuri shtatining Xitoyni koronavirus tarqalishi bo‘yicha ma'lumotlarni yashirishda ayblab bergan da'vo arizasi sudni mazax qilishdir, dedi XXR tashqi ishlar vazirligi vakili Gen Shuan.

Diplomat bu ayblovda hech qanday asos yo‘qligini aytdi. Gen Shuanning ta'kidlashicha, Xitoy hukumati epidemiya boshlanganidan buyon Jahon sog‘liqni saqlash tashkiloti, AQSh va boshqa davlatlarni vaziyat borasida maksimal darajada ochiq tarzda xabardor qilib kelgan.

U shuningdek, Xitoy rahbariyatining harakatlari Amerika sudlari yurisdiksiyasi ostida emasligini eslatib o‘tdi.

Avvalroq Missuri shtati Xitoy hukumatini koronavirus pandemiyasi sababli sudga bergandi. Shtat bosh prokurori Erik Shmittning fikricha, Pekin COVID-19 borasida dunyoni "aldagan" va epidemiyani dastlabki bosqichida to‘xtatish uchun juda oz ish qilgan.

Donald Tramp ma'muriyati so‘nggi paytlarda Xitoyga qarshi qaratilgan ayblovlar otashini yanada olovlantirib, Chinni epidemiya sababchisi sifatida ko‘rsatishga urinmoqda.