O‘zbekistonda koronavirusdan zararlanish holatlari soni 1862taga yetdi

Sog‘liqni saqlash vazirligi O‘zbekistonda yana 26 kishiga koronavirus infeksiyasidan zararlanish tashxisi qo‘yilgani haqida xabar berdi.

«2020 yil 25 aprel soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 1862 nafarni tashkil qilmoqda», deyiladi vazirlik xabarida.

O‘zbekistonda koronavirusdan zararlanishning ilk holati 15 mart kuni Toshkentda tasdiqlangandi. O‘tgan vaqt davomida kasallik respublikaning butun hududiga tarqaldi.

21 aprel kuni 51, 22 aprel kuni 38, 23 aprel kuni 42, 24 aprel kuni esa 46 nafar kishida kasallik aniqlangan.

Virus tarqalishni boshlagandan buyon 707 kishi sog‘aydi, 8 kishi vafot etdi.