AQSh Xitoyni koronavirusni tekshiruvchi sifatsiz testlar yetkazib berganlikda aybladi

Xitoy AQShga koronavirusni tekshirish uchun sifati past va hattoki qalbaki test to‘plamlari yetkazib berganlikda ayblanmoqda.

Foto: Drew Angerer/Getty Images

Bu haqda Oq uyning iqtisodiyot bo‘yicha maslahatchisi Piter Navarro ma'lum qildi.

“Xitoy hozir bizni bu sifatsiz testlar bilan to‘ldirib tashlamoqda. Biz Xitoy bunday qalbaki test to‘plamlari olib kirishiga yo‘l qo‘ya olmaymiz”, deb aytgan Navarro Fox News telekanali efirida.

U Pekinni yuzaga kelgan vaziyatdan “mo‘maygina pul qilish”da ayblagan va Xitoy bu ishi hamda o‘z hududida koronavirus tarqalishini bostira olmagani uchun javob berishi kerakligini aytgan.