Dunyodagi vaziyat: Rossiya Eronni ham quvib o‘tdi, AQSh millionlik nuqtani zabt etdi

Rossiyada qayd etilgan zararlanish holatlari soni 93 558tani tashkil qilmoqda va bu borada Eron ortda qoldirilgan. Britaniyada qariyalar uylarida koronavirusdan o‘lim bo‘yicha eng yuqori ko‘rsatkich qayd etildi; Germaniyadagi vaziyat yana yomonlasha boshladi va Angela Merkel federal yerlar hukumatlaridan karantin choralarini bekor qilishga shoshilmaslikka chaqirdi; Argentina 1 sentyabrga qadar barcha parvozlarni bekor qildi.