Rossiyada koronavirusni yangi usulda davolashga o‘tildi

Rossiyada koronavirusni yuqori haroratlargacha qizdirilgan geliy-kislorod aralashmalari ingalyatsiyalari yordamida davolash bo‘yicha klinik tadqiqotlar o‘tkazila boshlandi.

Foto: Andrey Nikerichev

Bu haqda Rossiya Fanlar akademiyasining Ural bo‘limi immunologiya va fiziologiya instituti rahbari Valeriy Chereshnev ma'lum qildi.

“Yangi usul Komi va Peterburgda shundoq statsionarda bemorlarda qo‘llanmoqda. U bilan davolashmoqda. Shifoxonalarda o‘pkani sun'iy shamollatish bilan bir qatorda geliy-kislorod aralashmalari usuli qo‘llanmoqda”, deb aytgan mutaxassis.

Avvalroq Chereshnev ingalyatsiyalar koronavirus kasalligi o‘tishini yengillashtirishda yordam berishini ta'kidlab o‘tgan. Geliyning borligi kislorodni alveolalargacha yetkazishda yordam beradi. Bundan tashqari, geliy aralashmani 100 daraja haroratgacha qizdirishga imkon beradi. Bunday haroratda viruslar o‘ladi. Oddiy havoda esa bunday haroratda kuyish jarohati olish mumkin.