O‘zbekistonda koronavirusdan zararlanish holatlari soni 2100ga yaqinlashdi

Sog‘liqni saqlash vazirligi O‘zbekistonda yana 11 kishiga koronavirus infeksiyasidan zararlanish tashxisi qo‘yilgani haqida xabar berdi.

«2020 yil 1 may soat 23:00 holatiga ko‘ra, O‘zbekistonda koronavirus infeksiyasi qayd etilganlar soni 2086 nafarni tashkil qilmoqda», deyiladi vazirlik xabarida.

Bugun jami 47ta yangi zararlanish holati qayd etildi, 79 bemor sog‘aydi.

Ayni vaqtgacha 1212 kishi kasallikdan sog‘aygan, bu O‘zbekistonda qayd etilgan bemorlarning 58 foizi deganidir. Yana 865 bemor shifoxonalarda qolmoqda.

Jizzax va Qashqadaryo virusdan xoli hududga aylangan, Buxoro va Andijonda ham bemorlarning ko‘p qismiga javob berilgan.