O‘zbekistonda yana 19 kishida koronavirus aniqlandi. Ular Tojikiston va Rossiyadan kelgan

O‘zbekistonda yana 19 kishida koronavirus aniqlandi. Bu haqda Sog‘liqni saqlash vazirligi xabar bergan.

Endilikda O‘zbekistonda koronavirus yuqtirganlar soni 2 738 nafarga yetdi. Yangi kasallanganlarning 16 nafari xorijdan kelgan. Ularning 12 nafari Tojikistondan kelgan bo‘lsa, yana 4 nafari Moskva-Toshkent yo‘nalishi bo‘yicha charter reysda olib kelingan. Shuningdek, 3 nafar karantinda bo‘lgan namanganlik fuqarolarda virus aniqlangan.

Ayni damda O‘zbekistonda koronavirusdan sog‘ayganlar soni 2 213 nafarni tashkil etmoqda. Bugun mamlakatda 52 kishida koronavirus aniqlangan bo‘lsa, 55 kishi virusdan tuzalib, reabilitatsiyaga yuborildi.