Rossiyada so‘nggi sutkada koronavirusdan eng ko‘p o‘lim qayd qilindi

Rossiyada so‘nggi sutkada koronavirusdan 150 kishi vafot etdi. Bu pandemiya boshidan beri mamlakat uchun bir kun ichida koronavirusdan o‘limlar soni bo‘yicha rekord ko‘rsatkich hisoblanadi.

21 may holatiga, Rossiyada koronavirusdan 127 kishi vafot etgandi. Bu boradagi avvalgi antirekord 20 may kuni (135 ta o‘lim) qayd qilingan.

Eng ko‘p o‘limlar Moskvada (so‘nggi kunda 73 ta, hammasi bo‘lib 1867 ta o‘lim), Dog‘istonda (mos ravishda, 24 ta va 65 ta o‘lim), Moskva viloyatida (13 ta va 312 ta), Nijyegorodsk oblastida (4 ta va 57 ta) qayd qilingan.

So‘nggi sutkada koronavirusdan o‘lim holatlari mamlakatning 24 ta mintaqasida qayd qilinib, mamlakat bo‘yicha umumiy soni 3249 taga yetgan.

Shuningdek, so‘nggi sutkada koronavirusga chalinishlar soni 8894 tani tashkil qilgan.