Mirzo Ulug‘bek tumanining ayrim hududlarida elektr energiyasida vaqtinchalik uzilish bo‘ladi

Aholi yashash xonadonlarida elektr energiyasi soat 08:00 dan 17:00 qadar vaqtinchalik o‘chiriladi.

Bugun Mirzo Ulug‘bek tumanining ayrim hududlarida elektr energiyasida vaqtinchalik uzilish bo‘ladi. Bu haqda «Toshkent shahar elektr tarmoqlari korxonasi» AJ matbuot xizmati xabar qilmoqda.

Qayd etilishicha, 4 iyun kuni Toshkent shahrining Mirzo Ulug‘bek tumaniga qarashli «Podshobog‘», «Oltintepa», «Olmachi» mahallalaridagi aholi yashash xonadonlarini elektr energiyasi bilan ta'minlovchi yuqori kuchlanishli 35/6 kVli «Parkent» nimstansiyasida rekonstruksiya va modernizatsiya ishlari olib boriladi.

Shu munosabat bilan aholi yashash xonadonlarida elektr energiyasi soat 08:00 dan 17:00 qadar vaqtinchalik o‘chiriladi.

«Toshkent shahar elektr tarmoqlari korxonasi» mazkur ta'mirlash ishlari tufayli elektr energiyasi ta'minotidagi vaqtincha uzilishlar sababli yetkazilayotgan noqulayliklar uchun iste'molchilardan uzr so‘ragan.