Meksikada ham politsiya qo‘lga olgan shaxs halok bo‘lgach tartibsizliklar boshlandi 

Voqea yuz bergan shaharchada odamlar politsiya bilan to‘qnashuvga kirishib, xizmat mashinalariga o‘t qo‘yishgan va hukumat binolariga bostirib kirishgan.

Politsiyachilar namoyishchilarga qarshi ko‘zni yoshlatuvchi gaz qo‘llashgan.

Jovanni Lopes ismli quruvchi jamoat joyida niqobsiz yurgani uchun 4 iyunda politsiya tomonidan ushlangan. Politsiyachilar uni avtozakka tiqib, o‘zlari bilan olib ketishgan. Keyinroq erkakning yaqinlari uni qidira boshlashgan. Politsiya bo‘limida Lopes shifoxonada ekanligi aytilgan.

Shifoxonada esa erkakning yaqinlariga uning jonsiz tanasi berilgan. Erkak jasadining yorilishi u boshidan olingan jarohatdan vafot etganini ko‘rsatgan. Namoyishchilar aybdorlar jazolanishini talab qilishmoqda.

Avvalroq shunday tartibsizliklar AQShda afroamerikalik Jorj Floyd politsiyachilar qo‘lidan halok bo‘lgandan keyin boshlangandi.