Tramp Xitoy koronavirusni butun dunyoga ataylabdan tarqatgan bo‘lishi mumkinligini istisno qilmadi

AQSh prezidenti Donald Trampning fikricha, Xitoy hukumati ataylabdan koronavirusning boshqa mamlakatlarga tarqalishining oldini olmagan. U bu haqda The Wall Street Journal gazetasiga bergan intervyusida aytdi.

Uning fikricha, Pekin shu yo‘l bilan boshqa davlatlar iqtisodiyotiga zarar yetkazishga uringan bo‘lishi mumkin. Tramp pandemiyaga qadar AQShdagi iqtisodiy vaziyat yaxshi bo‘lganligini eslatib o‘tdi.

U razvedka xizmatlari bu taxminni tasdiqlaydigan hech qanday ma'lumotga ega bo‘lmaganini tan oldi. Qayd etilishicha, Trampning fikriga ko‘ra, Xitoy hukumati virus tarqalishiga qarshi kurashda qandaydir xatolarga yo‘l qo‘ygan.

Xitoy virusning boshqa mamlakatlarga tarqalishiga ataylabdan to‘sqinlik qilmaganligi ehtimoli haqida gapirarkan, Tramp: "Ular shunday qilishlari mumkin edi deb o‘ylamayman. Ammo bilib bo‘lmaydi. Bu zarar yetkazdi", - dedi.

Tramp ilgari ham epidemiya boshlanishiga Xitoy javobgar ekanligini aytgandi. Vashington Pekinni virusning paydo bo‘lishi va infeksiya tarqalish miqyosi to‘g‘risidagi ma'lumotlarni yashirishda ayblamoqda.