Tsukerberg kompaniyalarning ijtimoiy tarmoqlardagi reklamadan voz kechishi sababli 7,2 mlrd dollar yo‘qotdi

Facebook asoschisi Mark Tsukerberg ayrim yirik kompaniyalarning ijtimoiy tarmoqlarda reklama joylashtirishdan voz kechishi sababli 7,2 mlrd dollar yo‘qotdi. Bu haqda Bloomberg xabar bermoqda.

Unilever  kompaniyasi Facebook  mahsulotlarida reklama joylashtirmasligini e'lon qilgach, Facebook  aksiyalari narxi 8,3 foizga arzonlashdi.  

Avvalroq Coca-Cola irqchilik sababli ijtimoiy tarmoqda reklama joylashtirishdan kamida bir oyga voz kechishini e'lon qilgandi.

19 iyun kuni Color of Change, «AQSh antidiffamatsion ligasi» (ADL), Rangli aholining rivojlanishiga ko‘mak beruvchi milliy assotsiatsiya va boshqa huquqni himoya qilish tashkilotlari ijtimoiy tarmoqda irqchilik alomati mavjud kontentlar tartibga solinmayotganligi sababli iyulda Facebook’da reklama joylashtirmaslikka chaqirgandi.