Urgut tumani hokimiga birinchi o‘rinbosar tayinlandi, u vaqtincha hokim vazifasini ham bajaradi

Samarqand viloyati hokimligi axborot-tahlil guruhi rahbari lavozimida ishlab kelgan Azamat Turonov Urgut tumani hokimining iqtisodiy taraqqiyot va kambag‘allikni qisqartirish masalalari bo‘yicha birinchi o‘rinbosari lavozimiga tayinlandi.

Urgut tumani hokimligi Mamatjon Turdiyev ayni paytda mehnat ta'tilida bo‘lgani sababli A.Turonov vaqtincha hokim vazifasini ham bajaradi.

A.Turonov 1995 yilda Turkiyaning Uludag‘ universitetini tamomlagan. 2018-2019 yillarda Jomboy tumani hokimining investitsiyalar, innovatsiyalar, xususiylashtirilgan korxonalarga ko‘maklashish va kichik sanoat zonalari hamda turizmni rivojlantirish masalalari bo‘yicha o‘rinbosari bo‘lgan.