Qozog‘iston prezidenti xorijliklarga yer sotilishini istisno etdi
Qozog‘iston yerlari xorijliklarga sotilmaydi. Bu haqda Qozog‘iston prezidenti Qosim-Jo‘mart To‘qayev hukumat yig‘ilishida aytib o‘tdi.
“Yer kodeksining ba'zi bandlariga moratoriy 2021 yilda o‘z nihoyasiga yetadi. Shu sababli biz bu masala bo‘yicha yakuniy qaror qabul qilishimiz lozim. Biz asosiy muammoni belgiladik. Yer xorijliklarga sotilmaydi. Bu masalaga boshqa qaytmaymiz”, deb aytgan To‘qayev.
Qozog‘iston rahbarining ta'kidlashicha, agrosanoat kompleksini investitsiyalar va texnologiyalar jalb qilgan holda rivojlantirish lozim, shu sababli mahalliy fermerlar bilan yerlarning samarali qo‘llanishi masalasini muhokama qilish kerak. To‘qayev hukumatga Yer kodeksiga tegishli tuzmatlarni kiritish vazifasini topshirgan.
Qozog‘istonda 2021 yil 31 dekabrgacha qishloq xo‘jaligi yerlarining xorijliklarga, fuqaroligi bo‘lmagan shaxslarga hamda xorijiy kapitali ulushi 50 foizdan ko‘proq bo‘lgan kompaniyalarga sotilishiga taqiqlov amal qiladi.
Mavzuga oid
18:31 / 23.09.2024
Qozog‘iston va O‘zbekiston Sirdaryoda 10 ta gidropost tashkil qiladi
20:09 / 20.09.2024
Qozog‘istonda xorijliklarni deportatsiya qilish qoidalari kuchaytirilishi mumkin
08:30 / 20.09.2024
Qozog‘istonning O‘zbekistondagi elchisi “Do‘stlik” ordeni bilan mukofotlandi
16:07 / 19.09.2024