Shimoliy Koreyada bosh vazir o‘zgardi

Shimoliy Koreya yetakchisi Kim Chen In hukumat rahbarini o‘zgartirdi. Bu haqda Koreya markaziy telegraf agentligi xabar berdi.

Foto: Reuters

Ushbu qaror Koreya mehnat partiyasi markaziy qo‘mitasi yig‘ilishida qabul qilingan. Bosh vazir lavozimiga partiya markaziy qo‘mitasi raisi o‘rinbosari Kim Dok Xun tayinlangan. U ushbu lavozimni 2019 yildan beri egallab kelgan Kim Chje Ren o‘rnini egallaydi.

Kim Chje Ren esa o‘z navbatida Koreya mehnat partiyasi markaziy qo‘mitasi raisi o‘rinbosari lavozimiga o‘tkazilgan.