Shimoliy Koreyada koronavirus sababli kiritilgan qat'iy karantin rejimi bekor qilindi

Shimoliy Koreya hukumati Janubiy Koreya bilan chegarada joylashgan Keson shahrida koronavirus tarqalishi ehtimoli sababli kiritilgan qat'iy karantin rejimini bekor qilishga qaror qildi.

26 iyulda Janubiy Koreyadan Shimoliy Koreyaga qaytgan qochqinda koronavirus olib keluvchi kasallik alomatlari kuzatilayotgani ma'lum qilingan. Shu sababli Kesonda qat'iy karantin rejimi kiritilgan, Shimoliy Koreya yetakchisi Kim Chen In koronavirus tarqalishi oldini olish uchun maksimal shaylik holatiga o‘tilishi mumkinligini aytgan.   

Rasmiy ma'lumotlarga ko‘ra, Shimoliy Koreyada koronavirusga chalinish holatlari qayd etilmagan. Pandemiya boshlanishi bilan mamlakatda tezkor choralar ko‘rilib, chegaralar yopilib, umummilliy karantin e'lon qilingan edi.