Germaniyada Mercedes avtomobillari sotilishi taqiqlanishi mumkin

18 avgust kuni Mangeym shahri sudi Nokia kompaniyasi da'vosini qanoatlantirdi. Sud Daimler kompaniyasining Nokia kompaniyasiga tegishli bo‘lgan telekommunikatsiya texnologiyalaridan patensiz foydalanganini aniqladi. 

Endi Daimler kompaniyasi Nokia texnologiyalari joriy qilingan va sotilgan avtomobillar miqdori haqida xabar berishi shart. Daimler rahbariyati sudning qaroridan norozi va apellyatsiya bermoqchi.

Mercedes avtomobillarining Germaniyada sotilishini taqiqlash uchun Nokia alohida da'vo arizasini berishi va uning 7 milliard yevro miqdoridagi ta'minotini taqdim qilishi lozim. 

Nemis qonunlariga ko‘ra, patent egalari taqiq kuchga kirgan taqdirda javobgarning zarar ko‘rishiga mas'ul bo‘ladi. Agar da'vo arizasi berilsa, Mercedes avtomobillarining savdosi taqiqlanadi. 

Biroq Daimler apellyatsiya berishi ham mumkin. Agar kompaniya sudda yutib chiqsa, ta'minot qiymati yoki uning bir qismi savdoga qo‘yilgan taqiqdan kelib chiqadigan zararni qoplash uchun sarflanadi.