Yakkasaroyda 153 mln so‘mlik videokuzatuv kameralarini o‘g‘irlab ketgan shaxs ushlandi

Omborxonada sodir etgan o‘g‘rilik bo‘yicha jinoiy ish qo‘zg‘atildi.

Yakkasaroy tumani IIO FMBdan xabar kelib tushgan, deb yozmoqda Toshkent shahar IIBB matbuot xizmati.

Unga ko‘ra, yanvar oyidan avgust oyiga qadar jizzaxlik 26 yoshli S.A. o‘zi yukchi bo‘lib ishlagan MChJlardan birining omborxonasidan 36 yoshli A.K.ga tegishli narxi 153.988.380 so‘m bo‘lgan videokuzatuv kameralari va boshqa moslamalarini o‘g‘irlab ketgan.

Mazkur fakt asosida O‘zbekiston Respublikasi Jinoyat kodeksining 169-moddasi 4 qismi (“O‘g‘rilik”) bo‘yicha jinoiy ish qo‘zg‘atildi.

Gumonlanuvchi qo‘lga olingan. Tergov davom etmoqda.