Uzbekistan Airways uchta charter reysini amalga oshiradi

Uzbekistan Airways bir qator charter repatriatsiya qatnovlarini amalga oshirishni rejalashtirmoqda.

Aviakompaniya xabariga ko‘ra, quyidagi qatnovlar mo‘ljallanmoqda:

- Toshkent - Minsk - Toshkent – 2020 yil 24 va 31 avgust kunlari;
- Toshkent – Nyu-York - Toshkent - 2020 yil 27 avgust kuni;
- Toshkent - Frankfurt - Toshkent -2020 yil 21 va 28 avgust kunlari.

Ushbu yo‘nalishlar bo‘yicha aviachiptalarni Uzbekistan Airways Sales Markaziy sotuvlar ofisida har kuni soat 9:30dan 18:00gacha yo‘lovchining o‘zi tegishli hujjatlarning asl nusxasi bilan kelgan taqdirdagina sotib olish mumkin.

Tushunmovchiliklarning oldini olish maqsadida aviachiptalarni sotib olishni tezlashtirish bo‘yicha o‘z xizmatlarini taklif etayotgan shubhali shaxslardan yordam so‘ramaslik so‘ralgan.

Chiptada ko‘rsatilgan narxni Uzbekistan Airways filialining kassasida to‘lagan pul miqdori bilan solishtirish tavsiya qilingan.