Putin Rossiyaning koronavirusga qarshi vaksinasini birinchilardan bo‘lib oladigan mamlakatni aytdi

Avvalroq Belarus fuqarolari Rossiyada ishlab chiqarilgan koronavirusga qarshi vaksina sinovining uchinchi bosqichida ixtiyoriy tartibda ishtirok etishlari ma'lum qilingandi. Vaksina xalqaro sinovlarining yakuniy uchinchi bosqichida 40 ming odamda sinovdan o‘tkaziladi.

Foto: RIA Novosti

Rossiya prezidenti Vladimir Putin Belarus prezidenti Aleksandr Lukashenko bilan ushbu mamlakatni Rossiyaning koronavirusga qarshi vaksinasi qo‘shimcha sinovlarining yakuniy bosqichi ishtirokchilari ro‘yxatiga kiritishga kelishib olganini ma'lum qildi.

«Aleksandr Grigorevich bilan Belarus vaksinamizning qo‘shimcha sinovlari yakuniy bosqichiga qo‘shilishiga kelishib oldik. Keyin esa respublika ushbu preparatni oladigan dastlabki mamlakatlardan biri bo‘ladi», — dedi Putin.

Avvalroq Belarus fuqarolari Rossiyada ishlab chiqarilgan koronavirusga qarshi vaksina sinovining uchinchi bosqichida ixtiyoriy tartibda ishtirok etishlari xabar qilingandi.

Koronavirusga qarshi “Sputnik V” vaksinasi N.Gamaleya nomidagi markaz tomonidan ishlab chiqilgan.

Vaksina xalqaro sinovlarining yakuniy 3-bosqichida 40 ming odamda sinovdan o‘tkaziladi.

Sinovlar Rossiyadan tashqari, Saudiya Arabistoni, BAA, Filippinda o‘tkaziladi. Shuningdek, Braziliya va Hindistonning ishtirok etishi imkoniyati ko‘rib chiqilmoqda.