Bekobodda savdo do‘konidan 25 mln so‘mlik telefonlar o‘g‘irlab ketildi

Jinoyatchilar qo‘lga olinib, hozirda tergov ishlari davom etmoqda.

Jamiyatda ana shunday kimsalar ham bor. Ularning toifasiga o‘zi ishlamasdan turib, birovlarning peshona teri evaziga kun kechiradiganlarni kiritish mumkin, deb yozmoqda Postda nashri.

Qayd etilishicha, bekobodlik Sh.A., A.M. va M.M. ham shular qatoridan joy olgan.

Xabarda aytilishicha, ular fuqaro S.R.ga tegishli Bekobod shahrida joylashgan savdo do‘konidan deraza oynasini sindirish orqali umumiy qiymati 25 million 403 ming so‘mlik 10 dona mobil telefonlar hamda Lenovo rusumli noutbukni o‘g‘irlab ketishadi.

Do‘kon egasining o‘z vaqtida qilgan murojaati tufayli jinoyatchilar qo‘lga olinib, hozirda tergov ishlari davom etmoqda.