Qoʻshimcha funksionallar
-
Tungi ko‘rinish
"Lukoyl" Hisor konida gaz qazib olishni butunlay to‘xtatdi
O‘zbekistonda qazib olingan gazning katta hajmi eksport qilinmagan va ichki bozorda qolgan.
Foto: Anadolu Agency/Getty Images
Xitoy tomonidan talabning tushib ketishi natijasida "Lukoyl" Hisor konida gaz qazib olishni butunlay to‘xtatdi. Bu haqda kompaniya vitse-prezidenti Pavel Jdanov ma'lum qildi.
Uning so‘zlariga ko‘ra, pandemiya nafaqat gazga bo‘lgan talabning tushib ketishiga olib keldi, balki quvur orqali yetkaziladigan gaz narxini suyultirilgan gazga nisbatan ko‘tarib yubordi.
"Natijada Xitoy tomonidan o‘zbek gaziga bo‘lgan talab pasaydi. Shu sababli biz O‘zbekistondagi loyihalarimizda gaz qazib olish hajmini bosqichma-bosqich qisqartirishga majburmiz. Bugungi kunda kunlik qazib olish loyiha quvvatining 20 foizga yaqinini tashkil etmoqda. Hisor loyihasi bo‘yicha gaz qazib olish butunlay to‘xtatildi", - dedi Jdanov.
Shu bilan birga, O‘zbekistonda qazib olingan gazning katta hajmi eksport qilinmagan va ichki bozorda qolgan.
"Xitoy o‘zbek gazini sotib olishni tiklayotganiga qaramasdan, hozircha eksport qilmayapmiz. O‘zbekiston bilan muzokaralar natijasida 2020 yilda gazni ichki bozorda sotish bo‘yicha kelishuvga erishdik", - dedi "Lukoyl" vitse-prezidenti.
Mavzuga oid
08:14 / 04.04.2025
Toshkentning 4 ta tumanida gaz ta’minoti vaqtincha to‘xtatiladi
08:26 / 01.04.2025
Germaniya Rossiya gazini import qilish imkoniyatidan voz kechmoqda
12:46 / 28.03.2025
Gaz va elektr energiyasi tariflari oshirilishi 1 maygacha kechiktirildi
12:34 / 28.03.2025