AQShning yangi prezidenti 3 noyabr kuni aniqlanmasligi mumkin: sabablar va ehtimollar

AQShda avvaldan mavjud bo‘lgan «pochta orqali ovoz berish» usuli Covid-19 tufayli saylovchilarning deyarli 70 foizigacha qamrab oladigan darajada kengaytirilishi Oq uy va demokratlarni bir-biriga qarama-qarshi qo‘ydi. Ya'ni «pochta orqali ovoz berish» munozarasi saylov natijalariga bevosita ta'sir qilishi mumkinligi sababli ham bu masala respublikachilar va demokratlar o‘rtasidagi muhim kurashga aylandi.