Qoʻshimcha funksionallar
-
Tungi ko‘rinish
Koronavirusga qarshi Qozog‘istonda ishlab chiqilgan vaksinaning klinik sinovlari boshlandi
Xabar qilinishicha, birinchi va ikkinchi bosqichda 244 nafar ko‘ngilli emlanadi.
Foto: RIA Novosti
Qozog‘istonda koronavirusga qarshi vaksinaning klinik sinovlari boshlandi. Bu haqda mamlakat ta'lim va fan vazirligi matbuot xizmati xabar berdi.
"Fan qo‘mitasining biologik xavfsizlik muammolari ilmiy-tadqiqot instituti ishlab chiqqan QazCovid-in koronavirus infeksiyasiga qarshi vaksinaning klinik sinovlari boshlandi", - deyiladi xabarda.
Xabarda aytilishicha, birinchi va ikkinchi bosqichda 244 nafar ko‘ngilli emlanadi.
Vazirlikning eslatishicha, 26 iyulda dastlab yetti, so‘ngra yana 20 nafar olim vaksina bilan emlangan. Ularda o‘suvchi immunitet hosil bo‘lgan, tahlil natijalari vaksinaning xavfsiz va yuqori immunogenligini ko‘rsatgan.
JSST 15 may kuni Qozog‘istonning koronavirusga qarshi inaktivlashtirilgan vaksinasini nomzod vaksinalar ro‘yxatiga, 29 avgustda esa klinik sinov o‘tkazish ruxsat berilgan vaksinalar qatoriga kiritgandi.
Koronavirus
Mavzuga oid
21:40 / 30.04.2025
Husnbuzarlarga qarshi birinchi vaksinaning klinik sinovlari boshlandi
12:06 / 02.03.2025
Qozog‘istonda ichida o‘zbekistonliklar bo‘lgan avtobus YTHga uchradi
18:14 / 28.02.2025
Nukusdan Qozog‘istonga yangi poyezd qatnovi yo‘lga qo‘yiladi
21:03 / 27.02.2025